Silaban Brotherhood: Media Informasi dan Komunikasi Generasi Silaban di Internet

Pilih Topik Artikel:

Minggu
15
Okt '06

Umpasa dan Falsafah Batak


FALSAFAH
Dijolo raja sieahan, dipudi raja sipaimaon
(Hormatan do natua-tua dohot angka raja).

Sada silompa gadong dua silompa ubi,
Sada pe namanghatahon Sudema dapotan Uli.
Pitu batu martindi sada do sitaon nadokdok
(Unang maharaphu tu dongan).

Jujur do mula ni bada, bolus do mula ni dame
(Unang sai jujur-jujuri salani dongan, alai bolushon ma).

Siboru buas siboru Bakkara, molo dung puas sae soada mara
(Dame ma).

Sungkunon poda natua-tua, sungkunon gogo naumposo
(Bertanggung-jawab).

UMPASA NI NAPOSO BULUNG.(Buat orang-orang muda)
Jolo tiniktik sanggar laho bahenon huru-huruan,
Jolo sinukkun marga asa binoto partuturan.

Tudia ma luluon da goreng-goreng bahen soban,
Tudia ma luluon da boru Tobing bahen dongan.

Tudia ma luluon da dakka-dakka bahen soban,
Tudia ma luluon da boru Silaban bahen dongan.

Manuk ni pealangge hotek-hotek laho marpira
Sirang na mar ale-ale, lobianan matean ina.

Silaklak ni dandorung tu dakka ni sila-sila,
Ndang iba jumonok-jonok tu naso oroan niba.

Metmet dope sikkoru da nungga dihandang-handangi,
Metmet dope si boru da nungga ditandang-tandangi.

Torop do bittang di langit, si gara ni api sada do
Torop do si boru nauli, tinodo ni rohakku holoan ho do

Rabba na poso, ndang piga tubuan lata
Hami na poso, ndang piga na umboto hata

UMPASA MANJALO TINTIN MARANGKUP.(Untuk pasangan saat tukar cincin)
Bulung namartampuk, bulung ni simarlasuna,
Nunga hujalo hami tintin marangkup,
Dohonon ma hata pasu-pasuna

Hot pe jabu i, tong doi margulang-gulang
Sian dia pe mangalap boru bere i, tong doi boru ni Tulang.

Sai tong doi lubang nangpe dihukkupi rere,
Sai tong doi boru ni Tulang, manang boru ni ise pei dialap bere.

Amak do rere, dakka do dupang,
Anak do bere, Amang do Tulang.

Asing do huta Hullang, asing muse do huta Gunung Tua,
Asing do molo tulang, asing muse do molo gabe dung simatua.

UMPASA TU NA BARU MARBAGAS (Untuk pasangan yang baru menikah)
Dakka ni arirang, peak di tonga onan,
Badan muna naso jadi sirang, tondi mu marsigomgoman

Giring-giring ma tu gosta-gosta, tu boras ni sikkoru,
Sai tibu ma hamu mangiring-iring, huhut mangompa-ompa anak dohot boru.

Rimbur ni Pakkat tu rimbur ni Hotang,
Sai tudia pe hamu mangalakka, sai tusima hamu dapot pansamotan.

Dekke ni sale-sale, dengke ni Simamora,
Tamba ni nagabe, sai tibu ma hamu mamora.

Sahat-sahat ni solu, sahat ma tu labuan,
Sahat ma hamu leleng mangolu, jala sai di dongani Tuhan.

Sahat solu, sahat di parbinsar ni ari,
Leleng ma hamu mangolu jala di iring-iring Tuhan ganup ari.

Mangula ma pangula, dipasae duhut-duhut
Molo burju marhula-hula, dipadao mara marsundut-sundut

Ruma ijuk tu ruma gorga,
Sai tubu ma anakmuna na bisuk dohot borumuna na lambok marroha

Anian ma pagabe tumundalhon sitodoan,
Arimu ma gabe molo marsipaolo-oloan.

Gadu-gadu ni Silindung, tu gadu-gadu ni Sipoholon,
Sai tubu ma anakmuna 17 dohot borumuna 16.

Andor hadukka ma patogu-togu lombu,
Sai sarimatua ma hamu sahat tu na patogu-togu pahoppu.

UMPASA MANGAMPU
Bulung ni Taen tu bulung ni Tulan
Ba molo tarbahen, sai topot hamu hami sahali sabulan,
Molo so boi bulung ni tulan, pinomat bulung ni salaon
Ba molo so boi sahali sabulan, pinomat sahali sataon.

Ni durung si Tuma laos dapot Pora-pora
Molo mamasu-masu hula-hula mangido sian Tuhan,
Napogos hian iba, boi do gabe mamora.

Songgop si Ruba-ruba tu dakka ni Hapadan,
Angka pasu-pasu na ni lehon muna,
Sai dijangkon tondi ma dohot badan.

Mardakka Jabi-jabi, marbulung ia si Tulan
Angka pasu-pasu na pinasahat muna,
Sai sude mai dipasaut Tuhan.

Naung sampulu sada, jumadi sampulu tolu,
Angka pasu-pasu pinasahat muna,
Sai anggiatma padenggan ngolu-ngolu.

Naung sapulu pitu, jumadi sapulu ualu,
Angka pasu-pasu pinasat muna hula-hula nami,
Diampu hami ma di tonga jabu.

Turtu ninna anduhur, tio ninna lote,
Angka pasu-pasu pinasahat muna,
Sai unang ma muba, unang mose.

Habang pidong sibigo, paihut-ihut bulan,
Saluhut angka na tapangido, sai tibu ma dipasaut Tuhan.

Obuk do jambulan, nidandan ni boru Samara
Pasu-pasu na mardongan tangiang sian hula-hula,
Mambahen marsundut-sundut soada mara.

Tinapu bulung nisabi, baen lompan ni pangula
Sahat ma pasu-pasu na nilehon muna i tu hami,
Sai horas ma nang hamu hula-hula.

Suman tu aek natio do hamu, riong-riong di pinggan pasu,
Hula-hula nabasa do hamu, na girgir mamasu-masu.

AKKA UMPASA NA ASING
Martahuak ma manuk di bungkulan ni ruma,
Horas ma hula-hulana,songoni nang akka boruna.

Simbora ma pulguk, pulguk di lage-lage,
Sai mora ma hita luhut, huhut horas jala gabe.

Hariara madungdung, pilo-pilo na maragar,
Sai tading ma na lungun, ro ma na jagar.

Sinuan bulu sibahen na las,
Tabahen uhum mambahen na horas.

Eme ni Simbolon parasaran ni si borok,
Sai horas-horas ma hita on laos Debata ma na marorot.

Sititik ma sigompa, golang-golang pangarahutna,
Tung so sadia pe naeng tarpatupa, sai anggiat ma godang pinasuna.

Pinasa ni Siantar godang rambu-rambuna,
Tung otik pe hatakki, sai godang ma pinasuna.

Tuat si puti, nakkok sideak,
Ia i na ummuli, ima ta pareak.

Aek godang tu aek laut,
Dos ni roha sibaen na saut.

Napuran tano-tano rangging marsiranggongan,
Badan ta i padao-dao, tondita i marsigomgoman

Marmutik tabu-tabu mandompakhon mataniari,
Sai hot ma di hamu akka pasu-pasu, laho marhajophon akka na sinari.

Bona ni pinasa, hasakkotan ni jomuran,
Tung aha pe dijama hamu, sai tong ma dalan ni pasu-pasu.

Mandurung di aek Sihoru-horu, manjala di aek Sigura-gura
Udur ma hamu jala leleng mangolu, hipas matua sonang sora mahua.

Dolok ni Simalungun, tu dolok ni Simamora
Salpu ma sian hamu na lungun, sai hatop ma ro si las ni roha.

Sumber : Dari Berbagai Sumber


Ada 11 tanggapan untuk artikel “Umpasa dan Falsafah Batak”

  1. Tanggapan Franky Fransiskus Silaban:

    Dear all,
    Silaban Brotherhood…
    Saya sangat jarang sekali mendengar istilah-istilah batak yang beginian, saya harap semua unsur ucapannya tidak lari dari pengartiaanya.

    Salam,
    Franky Fransiskus Silaban
    DB-18/BATAM

  2. Tanggapan gunawan:

    kalau umpasa untuk mengucapkan ingot-ingot oleh STM dalam acara martumpol atau pamasu-masuon ada gak ya

    mauliate

  3. Tanggapan jadimora:

    Malos ma bunga-bunga
    Dipadadang-dadang ari
    Horas ma hamuna
    Suang songoni ma nang hami

    (hemmaatutu!!)

  4. Tanggapan Charly Silaban:

    Saya pernah baca sebuah buku cerita kuno terbitan P&K..
    Dari halaman pertama sampai halaman akhir isi cerita berbentuk umpama dan umpasa.. Hebat betul itu yang mengarang..
    Kemampuan seperti itu sangatlah langka di jaman ini..

  5. Tanggapan FRIDS SIREGAR-Aceh:

    terimakasih , pertama sekali saya buka website ini serasa dan terbayang suasana kampung ;keluarga dan sanak saudara. Dulu saya kagum dengan orang-orang muda (mungkin orang tua-tua/raja adat.. sudah biasa) yang menguasai umpama-umpama ini, memang belum tentu menggambarkan kebijakan mereka, tapi…minimal ada gambaran akan wacana dan orientasi budaya yang dimilikinya dan ternyata kita-kita pun yang minim ber-sentuhan dengan acara-acara adat tersebut dapat menemukan dan mempelajarinya di situs ini. Horas

  6. Tanggapan suparjo Siringoringo:

    Horas……….!!!
    sudah lama aku mencari-cari umpasa-umpasa batak,karna menurut saya umpasa itu memiliki makna yang cukup tinggi….
    dan skarang saya menemukannya disini..
    trimakasih buat penulis
    sekali lagi HORAS!!!!!!!

  7. Tanggapan david firdaus simangunsong:

    Mauliate…
    Karna artikel ini, saya dapat mengerjakan paper saya…
    Tuhan berkati……

  8. Tanggapan maruhum simangunsong:

    horas ma di pengasuh ni silaban brotherhood!

    nang pe so adong partuturonhu tu marga Silaban, alai adong do dongan sahutangku marga Silaban.
    Las do roha, media on boi gabe parguruan ni angka naolo marguru. Ala di paandar hamu do angka umpasa-umpama, denggan ma guruhon hamu songon dia manurathon parhataanta i, ala marasing do mandok dohot manurat. Asa tingkos gabe mual parguruan situs on, unang gabe martimus.
    horas…horas silaban… horas ma nang pe so silaban…

    Parhobas [SB] :
    Usul dari lae mangunsong akan kami tampung untuk pengembangan selanjutnya. Terimakasih atas atensinya.

  9. Tanggapan subandri Simbolon pardosa:

    mauliate ma ate tulang na burju. sian on boi di diingot hamu hamoraon jala habalgaon ni budayanta halak batak TOBA. Horas Horas

  10. Tanggapan Jeffry Sidabutar_surabaya:

    bravo….Batak
    hebat….
    rasanya ga ada yang bisa saya sampaikan selain …
    mamamia…

    keren abis bo…(semoga ada juga semacam kompetisi umpasa, ato semacam acara lomba umpasa terbaik gitu) dengan harapan semakin bertambahnya minat generasi batak untuk berkarya dan lebih mencintai sukunya.

    mauliate.
    HORAS

  11. Tanggapan m.marbun:

    Horas ma di hita saluhut na,las roha manjaha artikel terutama artikel umpasa, alana tanpa kita sadari kita juga akan beranjak ke sana.
    pada hal waktu dan bahan fhisik yang bisa dipakai untuk belajar sangat terbatas,alani i godang mauliate di hamu na ala boi iba belajar disela-sela waktu yang sempit dan dapat di akses disetiap waktu.

    horas dan syalom

Silahkan memberikan tanggapan !

Catatan:
1) Mohon Maaf.. Tanggapan perdana Anda akan kami moderasi sebelum ditampilkan !
2) Selanjutnya dikemudian hari, mohon gunakan Data Anda (Nama, Email, Website) dengan konsisten (sama) agar tanggapan Anda langsung tampil (tanpa moderasi) dan memudahkan Anda menelusuri komentar-komentar sebelumnya pada situs ini.





Artikel sebelumnya :
   » » Membangun Tradisi Tanpa Sikap Tradisional
Artikel selanjutnya :
   » » Bona Ni Ogung (The Tree of Life)