Silaban Brotherhood: Media Informasi dan Komunikasi Generasi Silaban di Internet

Pilih Topik Artikel:

Jumat
21
Jul '06

Hajajadi ni Tao Toba



Deprecated: preg_replace(): The /e modifier is deprecated, use preg_replace_callback instead in /home/jf_silaban/silaban.net/wp-includes/functions-formatting.php on line 76
pranko 6.jpgpranko 4.jpgpranko 1.jpgPranko 3.jpgpranko 5.jpg

Di toru ni dolok Pusuk Buhit adong ma najolo sada baoa na so marnioli dope na margoar Juara Dungdang. Pardengke do ibana. Di na sadari dipauli ibana ma sada bubu na balga situtu. Alai dung di taon, ndang olo dapotan. “Na mabalgahu do ra”, ninna rohana dibagasan. Jadi naeng ma pametmetonna bubu i. Alai adong ma ro soara tu pinggolna mandok “unang”. Sundat ma dipametmet bubu i, jala diulahi ma ditaon. Marsogot na i ditingkir ma bubu i. Tarsonggot ibana mida na dapot bubui, ai diida ma dengke apala na bolon. “Nga jea on”, ninna rohana. “Sian dia do ro dengke na saon bolon tu binaga na saon metmet?”. Ala ni biarna ndang dipatuduhon be dengke i tu manang ise, alai ditabunihon ma i tu sopo.

Marsogotna i ditingkir ma muse dengke i. Hape diida ma naung gabe boruboru na uli do dengke i, jala angka sisikna gabe ringgit. Ndang hapalang las ni roha ni Juara Dungdang marnida boruboru i dohot angka ringgit i, laos disungkun ma boruboru i manang na olo do gabe tungganeboruna. Pintor dioloi boruboru i do antong, alai adong do dipangido sijanjihonon ni Juara Dungdang, i ma: manang aha pe di sogotsogot ni ari na tarjadi di parsaripeon nasida, tung so jadi dohononna boruboru i boru ni dengke. Dung dibulanhon Juara Dungdang parjanjian i top ripe ma nasida.

Salpu sataon tubu ma anak nasida. Alai mansai sengke do dakdanak i gabe sai loja do Juara Dungdag mangkurdohurdohon. Pola do jotjot ibana muruk. Dina sadari manombo ma muse laga ni dakdanak i. Anggo disi ndang haotapan Juara Dungdang be murukna. Gasagasaon ma ibana jala dipandok angka hata na roa tu anakna i. Lupa ibana tu janjina, gabe didok ma: “Na so hasea on, tubu ni boru ni dengke on!”. Dibege niolina i do hatana i, gabe dijouhon boruboru i ma: “E…, nungga dilaosi ho janjim. Tinggal ma ho dohot anakta i, laho ma ahu!”.

Mangatkat ma boruboru i laos ditimbung ma tu bagasan binanga pardengkean ni Juara Dungdang, jala ndang tarida be. Alai tongkin i sirksak ma hilap, mardoromdorom ma ronggur, madabu ma udan tipotipoti, mangullus ma alogo gas andalu, humuntalma tano dihutur Naga Padaho laos marongrong. Gabe tarjadi ma Tao Toba na uli i.

Sumber : (NN) Tarombo Batak


Baru ada 1 tanggapan untuk artikel “Hajajadi ni Tao Toba”

  1. Tanggapan hendra:

    Deprecated: preg_replace(): The /e modifier is deprecated, use preg_replace_callback instead in /home/jf_silaban/silaban.net/wp-includes/functions-formatting.php on line 76

    horas,,
    mauliate ma hudok tuhamu alana,gabe boi do niboto aka aha dope na sobinoto sian bona pasogit
    sahali nai mauliate godang
    horas

Silahkan memberikan tanggapan !

Catatan:
1) Mohon Maaf.. Tanggapan perdana Anda akan kami moderasi sebelum ditampilkan !
2) Selanjutnya dikemudian hari, mohon gunakan Data Anda (Nama, Email, Website) dengan konsisten (sama) agar tanggapan Anda langsung tampil (tanpa moderasi) dan memudahkan Anda menelusuri komentar-komentar sebelumnya pada situs ini.






Strict Standards: Only variables should be assigned by reference in /home/jf_silaban/silaban.net/wp-includes/functions.php on line 590
Artikel sebelumnya :
   » » Menipu, Mantan Kadispenda Diadili

Strict Standards: Only variables should be assigned by reference in /home/jf_silaban/silaban.net/wp-includes/functions.php on line 590
Artikel selanjutnya :
   » » Dukungan PT OTM, Ratusan Masyarakat Siais Datangi Kantor Bupati Tapsel